त्रिविको नयाँ योजना : डिजिटल सेवा, अनुसन्धान प्रवर्द्धन र संस्थागत पुनःसंरचना

त्रिभुवन विश्वविद्यालय (त्रिवि)ले आफ्नो प्रशासनिक, शैक्षिक तथा प्राज्ञिक संरचनालाई समयानुकूल बनाउने उद्देश्यसहित नयाँ योजना अघि सारेको छ। योजनामा डिजिटल सेवा विस्तार, अनुसन्धान प्रवर्द्धन, संस्थागत पुनःसंरचना र वित्तीय सुधारका काम समेटिएका छन्।

चालु आर्थिक वर्षका लागि अघि सारिएको योजनाअनुसार त्रिविले प्रशासनिक तथा शैक्षिक सेवालाई डिजिटल बनाउने तयारी गरेको छ। ‘डिजिटल त्रिवि’देखि ‘रिसर्च युनिभर्सिटी’सम्मको अवधारणा यस योजनामा राखिएको छ।

बिजमाण्डूका अनुसार विश्वविद्यालयले अनुसन्धान र नवप्रवर्तनलाई प्रोत्साहन गर्ने, साझा प्रयोगशाला सञ्चालन गर्ने तथा अनुसन्धानमार्फत आम्दानी बढाउने योजना पनि बनाएको छ।

यी कामहरूमार्फत त्रिविले संस्थागत संरचनालाई पुनर्गठन गर्दै वित्तीय अवस्था सुधार गर्ने लक्ष्य लिएको छ।