मनास्लु क्षेत्र पुगेका पर्यटक सुरक्षित, चुम उपत्यकाको पदयात्रा स्थगित

बूढीगण्डकी नदीमा आएको बाढीले प्रभावित मनास्लु क्षेत्रको पदयात्रामा रहेका स्वदेशी तथा विदेशी पर्यटक सुरक्षित रहेको मनास्लु संरक्षण क्षेत्र आयोजना (एमक्याप)ले जनाएको छ। गोरखापत्रका अनुसार मनास्लु पुगेका ९८ पर्यटक सुरक्षित छन्।

बाढीको कारण चुम उपत्यकाको पदयात्रा स्थगित गरिएको छ। आइतबार गोरखाको चुमनुब्री गाउँपालिका–६ क्षेत्रमा बाढीको असर परेको थियो।

बाढी र पहिरोका कारण उत्तरी गोरखाको मनास्लु तथा चुम उपत्यकाको पदयात्रा गर्ने पर्यटकहरू अलपत्र परेका छन्। बाटो अवरुद्ध हुँदा रोकिएका विदेशी पर्यटकहरू जगत र छेकम्पारबाट उद्धारको प्रतीक्षामा रहेका रातोपाटीले जनाएको छ।

बूढीगण्डकी बाढीले यस क्षेत्रको सडक र पदमार्गमा अवरोध सिर्जना गरेको छ। एमक्यापले पर्यटक सुरक्षित रहेको जनाए पनि अवरुद्ध बाटोका कारण उनीहरू तत्काल फर्कन सकेका छैनन्।