यु–१८ विद्यालय फुटबलमा बागमती र मधेसका टोली च्याम्पियन

बागमती प्रदेशको मनकामना स्कुल र मधेस प्रदेशको जनज्योति सेकेन्डरी स्कुल एसियन पेन्ट्स अन्तरविद्यालय यु–१८ राष्ट्रिय फुटबल च्याम्पियनसिपमा क्रमशः छात्र र छात्रातर्फ विजेता बनेका छन्। काठमाडौँको त्रिपुरेश्वरस्थित दशरथ रंगशालामा सोमबार दुवै फाइनल खेल भएका छन्। देशभरका तीन सयभन्दा बढी विद्यालयले जिल्ला र प्रदेशस्तरको छनोट पार गर्दै राष्ट्रिय चरणसम्म प्रतिस्पर्धा गरेका थिए।

छात्रातर्फको फाइनलमा जनज्योतिले सुदूरपश्चिमको श्री जीवनज्योति माविलाई ७–२ को गोलअन्तरले पराजित गरेको छ। विजेता टोलीकी अनिता रानामगरले ह्याट्रिक गर्नुभएको छ भने विजेता राईले दुई गोल गर्नुभएको छ। दीक्षा रानापाल र रकिशा दंगालले एक–एक गोल थप्नुभएको छ।

सुदूरपश्चिमका लागि बिबिशा बिष्टले दुवै गोल गर्नुभएको थियो। छात्रतर्फको फाइनलमा मनकामनाले गण्डकी प्रदेशको गुरुकुल विद्यासदनलाई २–० ले हराएको छ।