जमुनाह नाकामा कडाइ : रुपैडिहा जाने उपभोक्ता घटे, नेपालगञ्जमा चहलपहल बढ्यो

नेपालगञ्जस्थित जमुनाह नाकामा कडाइ गरिएपछि यसपटक सीमावर्ती भारतीय बजार रुपैडिहामा दसैँको किनमेल गर्ने नेपाली उपभोक्ताको भीड घटेको छ।

दसैँ र तिहारजस्ता ठूला पर्व नजिकिँदै गर्दा यसअघि सीमावर्ती भारतीय बजारमा किनमेल गर्न जानेको संख्या उल्लेख्य हुने गरेको थियो। नाकामा कडाइ भएपछि भने सीमापारि जाने उपभोक्ता घटेका छन्।

सीमापारि जाने उपभोक्ता घटेसँगै स्वदेशी बजारमा चहलपहल बढेको छ। नेपालगञ्ज बजारमा दसैँको किनमेलका लागि आउने उपभोक्ताको संख्या बढेको हो।

चाडपर्वको समयमा नेपालगञ्जका व्यापारिक क्षेत्रमा किनमेलको चहलपहल बढेको देखिएको छ।