कांग्रेस महाधिवेशन : ३५ वर्षमुनिका केन्द्रीय सदस्यतर्फ सचिन तिमल्सेना पहिलो स्थानमा

नेपाली कांग्रेसको १५औँ महाधिवेशनअन्तर्गत विभिन्न पदको मतगणना जारी छ। ३५ वर्षमुनिका युवा (खुला) तर्फको केन्द्रीय सदस्य पदको मतगणनामा सचिन तिमल्सेना पहिलो स्थानमा रहेका छन्।

सातै प्रदेशबाट प्रतिनिधित्व हुने यस क्लस्टरबाट ७ जना केन्द्रीय सदस्य निर्वाचित हुनेछन्। हालसम्म २ हजार १० मत गणना हुँदा तिमल्सेनाले ९२९ मत पाएका छन्।

यस क्लस्टरका अन्य उम्मेदवारहरूको मत परिणाम पनि क्रमशः सार्वजनिक भइरहेको छ। बाँकी मतको गणना जारी छ।

महाधिवेशनअन्तर्गत केन्द्रीय सदस्यका अन्य क्लस्टर तथा पदाधिकारी पदको मतगणना पनि सँगसँगै भइरहेको छ।