बेनी–जोमसोम–कोरला सडकमा करिब एक अर्बको क्षति, पुनर्निर्माणमा ३ देखि ४ अर्ब लाग्ने

पछिल्लो मनसुनजन्य विपद्का कारण चीन र भारतलाई जोड्ने रणनीतिक महत्त्वको बेनी–जोमसोम–कोरला सडकमा करिब एक अर्ब रुपैयाँ बराबरको भौतिक संरचनामा क्षति पुगेको प्रारम्भिक अनुमान गरिएको छ। चीनसँगको कोरला नाका जोड्ने यो सडकका विभिन्न संरचनामा बाढी र पहिरोले नराम्ररी क्षति पुर्‍याएको हो।

प्रमुख तेजस्वी शर्माका अनुसार कालीगण्डकीमा आएको बाढीले सडक १० ठाउँमा बगाएको छ भने ५० ठाउँमा पहिरोले क्षति पुर्‍याएको छ। गत असोज ८ देखि भएको विपद्पछि सडकको विभिन्न खण्डमा क्षति पुगेको हो।

क्षतिग्रस्त सडकको पुनर्निर्माणका लागि तीनदेखि चार अर्ब रुपैयाँसम्म लाग्ने अनुमान गरिएको छ। अहिले गरिएको एक अर्ब रुपैयाँको क्षति प्रारम्भिक अनुमान मात्र हो।

चीन र भारत दुवैलाई जोड्ने यो सडक रणनीतिक महत्त्वको मानिन्छ। मनसुनमा आएको बाढी र पहिरोले यसका विभिन्न संरचनामा पुर्‍याएको क्षतिको विवरण प्रारम्भिक अनुमानका आधारमा सार्वजनिक गरिएको हो।