प्रधानमन्त्री शाहको भारत भ्रमण तयारी, मिति अझै टुङ्गिएन

प्रधानमन्त्री बालेन्द्र शाहको भारत भ्रमणको तयारी भइरहेको छ, तर मिति अझै तय भएको छैन। बिमस्टेकको पहिलो गृहमन्त्रीस्तरीय बैठकमा भाग लिन गृहमन्त्री सुधन गुरुङ भारत पुग्नुभएको छ। मंगलबार उहाँ र भारतीय गृहमन्त्री अमित शाहबीच भेट भएको छ र त्यसमा प्रधानमन्त्रीको भ्रमणबारे पनि कुरा भएको छ।

कार्यवाहक राजदूत सुरेन्द्र थापाका अनुसार दुवै पक्षले तयारी गरिरहेका छन् र दुवैको सहमतिमा मिति तय हुनेछ। स्रोतका अनुसार मंसिर ७ गतेदेखि भ्रमण सुरु गर्ने प्रस्तावमाथि छलफल भएको छ। अर्को स्रोतका अनुसार चाडपर्वपछि नोभेम्बरको अन्तिम साता वा डिसेम्बरको पहिलो साताभित्र भ्रमण गर्ने तयारी भइरहेको छ।

साझा हित, सहकार्य र सम्झौताका एजेन्डा तयार भएपछि मात्र मिति सार्वजनिक गरिने परराष्ट्र मन्त्रालयले जनाएको छ। दुवै देशलाई मिल्ने समय खोजिँदै गरेको मन्त्रालयका अधिकारीहरूले बताएका छन्। भारतका लागि राजदूतमा सिफारिस भएका डा.

निश्चलनाथ पाण्डेले सोमबार संसदीय सुनुवाइ समितिमा कार्ययोजना बुझाउनुभएको छ, र त्यसमा पनि प्रधानमन्त्रीको भ्रमणको उल्लेख छ।