बाढीले क्षति पुर्‍याएको आरुघाट पुलमा बेलीब्रिज जडान, धादिङ–गोरखा आवागमन सुचारु

बूढीगण्डकी नदीमा आएको बाढीले क्षतिग्रस्त बनाएको गोरखा र धादिङ जोड्ने आरुघाटस्थित पुलको टुटेको भागमा बेलीब्रिज जडान गरिएको छ।

नेपाली सेनाले ९० फिट लामो बेलीब्रिज जडान गरी गोरखा सडक आयोजनालाई हस्तान्तरण गरेको हो। बाढीले आरुघाटको मुख्य मोटरबाटो पक्की पुल बगाएपछि दुई जिल्लाबीचको आवागमन प्रभावित भएको थियो।

बेलीब्रिज निर्माणको काम सम्पन्न भएसँगै यस क्षेत्रमा यातायात सेवा पुनः सञ्चालनमा आएको छ। पुल धादिङ र गोरखा जिल्लालाई जोड्ने मुख्य सडक सञ्जालमा पर्छ।

बेलीब्रिज जडानपछि धादिङ–गोरखा आवागमन सहज हुने जनाइएको छ।