प्रधानमन्त्री विपद् कोषमा जम्मा रकमको खर्च र राहत वितरणमा चासो

अधिकारीहरूका अनुसार भोटेकोशी–त्रिशूली बाढीपछि प्रधानमन्त्री दैवी प्रकोप उद्धार कोषमा करिब १७ अर्ब रुपैयाँ जम्मा भएको छ। तर हालसम्म त्यसमध्ये झन्डै एक अर्ब रुपैयाँ मात्र राष्ट्रिय विपद् जोखिम न्यूनीकरण तथा व्यवस्थापन प्राधिकरणको नाममा निकासा भएको छ। यति ठूलो रकम कसरी प्रयोग भइरहेको छ र राहत साँच्चिकै पीडितसम्म पुगेको छ कि छैन भन्ने चासो बढेको छ।

राहत वितरण र खर्चको पारदर्शिताबारे पनि प्रश्न उठेका छन्। प्राधिकरणका कार्यकारी प्रमुख धर्मराज उप्रेतीले भने कोषको रकमको सही उपयोगमा शङ्का गर्नुपर्ने अवस्था नरहेको बताउनुभएको छ। उहाँका अनुसार कति रकम जम्मा भयो भन्ने विवरणजस्तै कुन ठाउँमा कति खर्च भयो भन्ने विवरण पनि नियमित रूपमा सार्वजनिक गरिनेछ।