विपद् संकटग्रस्त बागलुङका छ पालिकालाई संघीय सरकारको दुई करोड अनुदान

‘विपद् संकटग्रस्त क्षेत्र’ घोषित बागलुङका छ स्थानीय तहलाई संघीय सरकारले पहिलो चरणमा दुई करोड रुपैयाँ अनुदान दिएको छ। विपद्को सामना गर्न सघाउने उद्देश्यले यो रकम दिइएको हो।

गत असोज ११ गतेको बाढीपहिरोले बागलुङमा ठूलो जनधनको क्षति गरेको थियो। त्यसपछि सरकारले ती पालिकालाई विपद् संकटग्रस्त क्षेत्र घोषणा गरेको थियो।

यो अनुदान विपद् प्रभावित स्थानीय तहलाई दिइएको पहिलो चरणको सहयोग हो। बाढीपहिरोबाट प्रभावित क्षेत्रमा उद्धार, राहत र पुनर्स्थापनाको काम भइरहेका बेला संघीय सरकारले यो रकम पठाएको हो।