कांग्रेसका नवनिर्वाचित पदाधिकारी र केन्द्रीय सदस्यले आज शपथ लिँदै

नेपाली कांग्रेसको १५औँ महाधिवेशनबाट निर्वाचित केन्द्रीय कार्यसमितिका पदाधिकारी र सदस्यहरूले आज पद तथा गोपनीयताको शपथ लिँदैछन्। सोही कार्यक्रममा उनीहरूलाई निर्वाचित भएको प्रमाणपत्र पनि दिइनेछ।

कांग्रेसको केन्द्रीय निर्वाचन समितिका अनुसार शपथ ग्रहण र प्रमाणपत्र वितरणको तयारी पूरा भइसकेको छ। सभापति गगन थापा नेतृत्वको नयाँ केन्द्रीय कार्यसमितिका निर्वाचित पदाधिकारी र सदस्यहरूले आजैदेखि औपचारिक रूपमा जिम्मेवारी सम्हाल्नेछन्।

शपथपछि बाँकी केन्द्रीय सदस्य मनोनीत गर्न आजै केन्द्रीय समितिको बैठक बस्ने तयारी छ। महाधिवेशनबाट निर्वाचित भएपछि नयाँ कार्यसमितिको पहिलो औपचारिक काम यही शपथ ग्रहण र मनोनयन हुनेछ।