अर्नब चक्रवातको प्रभाव सकियो, देशभर मौसम घमाइलो हुँदै जाने

नेपालमा 'अर्नब' चक्रवातको प्रभाव सकिएसँगै मौसममा क्रमिक रूपमा सुधार आउन थालेको छ।

नेपाल मौसम विज्ञान विभागका अनुसार अबका दिनमा देशभरको मौसम थप सफा र घमाइलो हुँदै जानेछ।

यसैबीच, बंगालको खाडीमा अर्को मौसमी प्रणाली विकास भइरहेको छ। उक्त प्रणाली 'अर्नब' भन्दा कमजोर देखिएको छ र यसले नेपालमा ठूलो प्रभाव नपार्ने बताइएको छ।

अर्नब चक्रवातको प्रभावले हालै देशका विभिन्न भागमा वर्षा भएको थियो।