म्याग्दीको मङ्गला गाउँपालिकामा बाढीपहिरोबाट १६६ परिवार प्रभावित, १७ घर पूर्ण क्षति

म्याग्दीको मङ्गला गाउँपालिकामा बाढीपहिरोबाट १६६ घरपरिवार प्रभावित भएका छन्।

गाउँपालिकाका अनुसार बाढीपहिरोले १७ घरमा पूर्ण क्षति पुर्‍याएको छ। त्यस्तै ७७ घर उच्च जोखिममा र ७२ घर जोखिममा रहेका छन्।

पूर्ण क्षति भएका, उच्च जोखिममा रहेका र जोखिममा रहेका घर जोड्दा प्रभावित परिवारको सङ्ख्या १६६ पुगेको हो।

गाउँपालिकाले बाढीपहिरोबाट भएको क्षतिको विवरण सार्वजनिक गरेको हो। प्रभावित परिवारहरू बाढीपहिरोको जोखिमका कारण असुरक्षित अवस्थामा रहेका छन्।