सुनको मूल्य एकैदिन तोलामा ८ हजार ३०० रुपैयाँ घट्यो, प्रतितोला २ लाख ७२ हजार

साताको पहिलो कारोबार दिन आइतबार नेपाली बजारमा सुनको मूल्य एकैदिन प्रतितोला ८ हजार ३०० रुपैयाँले घटेको छ।

नेपाल सुनचाँदी व्यवसायी महासंघका अनुसार आज सुन प्रतितोला २ लाख ७२ हजार रुपैयाँमा किनबेच भइरहेको छ। महासंघले आजका लागि यही मूल्य तोकेको हो।

सुनसँगै चाँदीको मूल्य पनि घटेको छ। स्थानीय बजारमा आज सुनचाँदी दुवैको मूल्यमा गिरावट आएको महासंघले जनाएको छ।

साताको सुरुमै सुनको मूल्यमा ठूलो गिरावट आएको हो। महासंघले हरेक कारोबार दिनका लागि सुनचाँदीको मूल्य तोक्ने गर्छ।