शनिबार अपराह्नपछि चक्रवात ‘अर्नब’को प्रभाव कम हुने, आज र भोलि बाढीको जोखिम

नेपाल जल तथा मौसम विज्ञान विभागले शनिबार अपराह्नपछि चक्रवात ‘अर्नब’को प्रभाव र वर्षाको गतिविधि कम हुँदै जाने जनाएको छ। विभागका अनुसार यसअघि कोशी, मधेस, बागमती र गण्डकी प्रदेशका धेरै स्थानमा वर्षाको प्रभाव रहनेछ।

विभागको महाशाखाले आज दिउँसोदेखि पानी पर्ने क्रम झनै बढ्ने र केही ठाउँमा ठूलो वर्षा तथा हिमपातको सम्भावना रहेको जनाएको छ।

आज र भोलि बाढीको जोखिम रहेकाले राजमार्गमा यात्रा गर्दा सावधानी अपनाउन महाशाखाले आग्रह गरेको छ।

बंगालको खाडीमा विकसित चक्रवात ‘अर्नब’को प्रभावले नेपालका विभिन्न भागमा वर्षा भइरहेको छ।