इजरायल चुनाव: कसैको बहुमत नआएपछि नेतान्याहुको धाँधली आरोप, विपक्षीको आलोचना

इजरायलको संसदीय निर्वाचनको अन्तिम परिणामले प्रधानमन्त्री बेन्जामिन नेतान्याहुको गठबन्धन वा यहुदी विपक्षी कसैले पनि संसदमा बहुमत नपाएको पुष्टि गरेको छ। नेतान्याहु नेतृत्वको दक्षिणपन्थी गठबन्धन सबैभन्दा ठूलो खेमा बने पनि सरकार बनाउन आवश्यक बहुमत जुटाउन सकेको छैन।

चुनावी नतिजाअनुसार सरकार गठनका लागि अरब दलहरू निर्णायक देखिएका छन्। बहुमत गुमाएपछि नेतान्याहुले चुनावमा धाँधली र विदेशी हस्तक्षेप भएको आरोप लगाएका छन्।

प्रमुख विपक्षी नेता गादी आइसेनकोट र अरब नेतृत्वका राजनीतिक दलहरूले भने नेतान्याहुले निर्वाचन परिणामलाई बदनाम गर्न र चुनावलाई 'अवैध' बनाउन खोजेको भन्दै आलोचना गरेका छन्।

यसैबीच, सरकार गठनका लागि विपक्षी नेता आइसेनकोट सक्रिय भएका छन्। उनले डेमोक्र्याट्स पार्टीका प्रमुख यायर गोलान र बियाचादका प्रमुख नफ्ताली बेनेटलगायत विपक्षी नेतासँग सक्रियता बढाएका छन्।