निलगिरी र लुम्बिनी इन्जिनियरिङसहित ६ निर्माण कम्पनी कालोसूचीमा

समयमै काम सम्पन्न नगर्ने तथा सम्झौताका सर्त उल्लङ्घन गर्ने ६ वटा निर्माण व्यवसायी तथा आपूर्तिकर्ता कम्पनीलाई सरकारले कालोसूचीमा राखेको छ। ती कम्पनीलाई १ देखि ३ वर्षसम्मका लागि कालोसूचीमा राखिएको हो।

सार्वजनिक खरिद अनुगमन कार्यालयले बिहीबार, कात्तिक १२ गते गरेको निर्णयअनुसार ती कम्पनी कालोसूचीमा परेका हुन्। कालोसूचीमा परेका कम्पनीको अवधि फरक-फरक तोकिएको छ।

कालोसूचीमा परेकामध्ये निलगिरी र लुम्बिनी इन्जिनियरिङलाई ३ वर्षका लागि प्रतिबन्ध लगाइएको छ। बाँकी कम्पनीलाई १ वर्षदेखि ३ वर्षसम्मका अवधिका लागि कालोसूचीमा राखिएको छ।

सम्झौताअनुसार तोकिएको समयमा काम सम्पन्न नगरेको र सम्झौताका सर्तहरू पालना नगरेको आधारमा कार्यालयले यो निर्णय गरेको हो।