सुनको मूल्य तोलामा ३ हजार २०० रुपैयाँले घट्यो, चाँदी पनि सस्तो

नेपाली बजारमा शुक्रबार सुनचाँदीको मूल्य घटेको छ। नेपाल सुनचाँदी व्यवसायी महासंघका अनुसार सुनको मूल्य अघिल्लो दिनको तुलनामा प्रतितोला ३ हजार २०० रुपैयाँले घटेको हो।

महासंघले आजका लागि छापावाल सुनको मूल्य प्रतितोला २ लाख ८० हजार ३०० रुपैयाँ तोकेको छ। पछिल्ला दिनमा लगातार बढिरहेको सुनको मूल्य शुक्रबार भने घटेको हो।

चाँदीको मूल्य पनि प्रतितोला १०५ रुपैयाँले घटेको छ। बिहीबार प्रतितोला ३ हजार ९३० रुपैयाँ रहेको चाँदी शुक्रबार ३ हजार ८२५ रुपैयाँमा कारोबार भइरहेको छ।

शुक्रबार साताको कारोबारको छैटौँ दिन हो। महासंघले दैनिक रूपमा सुनचाँदीको मूल्य निर्धारण गर्ने गर्छ।