स्थानीय निर्वाचन : रास्वपाले खोल्यो ‘नगरपालिका क्यान्डिडेट क्लब’को आवेदन

सत्तारूढ राष्ट्रिय स्वतन्त्र पार्टी (रास्वपा)ले आगामी स्थानीय तह निर्वाचनका लागि ‘नगरपालिका क्यान्डिडेट क्लब’को आवेदन खुला गरेको छ। उम्मेदवार छनोट प्रक्रिया अघि बढाउने उद्देश्यले पार्टीले आवेदन खुला गरेको हो।

पार्टीले नगरपालिकाको प्रमुख, उपप्रमुख, वडाध्यक्ष र वडा सदस्यका रूपमा उम्मेदवार बन्न इच्छुक व्यक्तिसँग आवेदन मागेको छ। रास्वपाले सामाजिक सञ्जालमार्फत सूचना जारी गर्दै आवेदन आह्वान गरेको हो।

स्थानीय निर्वाचनलाई लक्षित गर्दै रास्वपाले उम्मेदवार छनोटको तयारी सुरु गरेको हो। इच्छुक व्यक्तिहरूले ‘नगरपालिका क्यान्डिडेट क्लब’मार्फत आवेदन दिन सक्ने पार्टीले जनाएको छ।

यसअघि राष्ट्रिय निर्वाचनमा बहुमतसहित सत्तामा पुगेको रास्वपाले अब स्थानीय तहको निर्वाचनका लागि पनि उम्मेदवार छान्ने प्रक्रिया औपचारिक रूपमा थालेको हो। पार्टीले आवेदनका आधारमा उम्मेदवार छनोट प्रक्रियालाई अगाडि बढाउने जनाएको छ।