नयाँ केन्द्रीय कार्यसमिति अद्यावधिक गर्न कांग्रेस निर्वाचन आयोग जाँदै

नेपाली कांग्रेसले १५औँ महाधिवेशनबाट चुनिएको नयाँ केन्द्रीय कार्यसमितिको विवरण निर्वाचन आयोगमा अद्यावधिक गराउने तयारी थालेको छ। महाधिवेशनबाट २० पदाधिकारीसहित २३१ सदस्यीय नयाँ कार्यसमिति निर्वाचित भएको छ। पदाधिकारी र केन्द्रीय सदस्यले बिहीबार शपथ लिएर जिम्मेवारी सम्हालिसकेका छन्।

केन्द्रीय कार्यालयका कार्यवाहक मुख्यसचिव कृष्णप्रसाद दुलालका अनुसार आयोग जानका लागि आवश्यक कागजात र प्रक्रिया पूरा गर्ने काम भइरहेको छ। तयारी पूरा भएपछि मात्र आयोग जाने उहाँले बताउनुभएको छ, तर निश्चित दिन भने खुलाउनुभएको छैन। यता, पूर्वसभापति शेरबहादुर देउवा समूहले गगन थापा नेतृत्वको नयाँ कार्यसमितिलाई अस्वीकार गरेको छ।

देउवा समूहले मंसिरमा पार्टीको १५औँ महाधिवेशन हुने भन्दै यसअघि नै जानकारी गराइसकेको छ।