दसैँपछिको पहिलो कारोबारमा सुन तोलामा ११ हजार ७ सय रुपैयाँ सस्तियो

काठमाडौँ, ८ कात्तिक। दसैँपछि आइतबार पहिलो पटक खुलेको बजारमा सुनचाँदीको मूल्य घटेको छ। नेपाल सुनचाँदी व्यवसायी महासंघले दसैँपछि आज सुनचाँदीको मूल्य समायोजन गरेको हो।

महासंघका अनुसार सुनको मूल्य प्रतितोला ११ हजार ७ सय रुपैयाँले घटेको छ। यससँगै आज सुन प्रतितोला २ लाख ७८ हजार ५०० रुपैयाँमा किनबेच भइरहेको छ। एउटा सञ्चारमाध्यमले भने मूल्य ११ हजार ६ सय रुपैयाँले घटेको उल्लेख गरेको छ।

अन्तर्राष्ट्रिय बजारमा मूल्य घटेकाले दसैँपछि नेपाली बजारमा सुनको मूल्य उच्च दरले घटेको महासंघले जनाएको छ। सुनसँगै चाँदीको मूल्य पनि घटेको छ।

दसैँ बिदापछि बजार खुलेको पहिलो दिन नै सुनको मूल्यमा यस्तो ठूलो गिरावट आएको हो।