असोजमा भारततर्फ ५ अर्ब ९२ करोड रुपैयाँको बिजुली निर्यात, बंगलादेशतर्फको निर्यात पनि फेरि सुरु

नेपाल विद्युत् प्राधिकरणले चालु आर्थिक वर्ष २०८३/८४ को असोज महिनामा भारततर्फ ५ अर्ब ९२ करोड ५० लाख रुपैयाँबराबरको बिजुली निर्यात गरेको छ। असोज चालु आर्थिक वर्षको दोस्रो महिना हो।

प्राकृतिक विपत्ति र बाढीपहिरोले प्रमुख जलविद्युत् आयोजनाहरूमा क्षति पुर्‍याएको छ। बाढीका कारण केही आयोजनाको उत्पादन बन्द भई निर्यातमा असर परेको थियो।

तर पनि गत वर्षको असोज र चालु आर्थिक वर्षको भदौको तुलनामा यस वर्ष असोजमा बिजुली निर्यातबाट भएको कारोबार रकम बढेको छ।

यसैबीच बंगलादेशतर्फको बिजुली निर्यात पनि फेरि सुरु भएको छ।