सुनको मूल्य तोलामा २ हजार ३ सय रुपैयाँ बढ्यो, चाँदी पनि महँगियो

नेपाली बजारमा सोमबार सुनको मूल्य बढेको छ। नेपाल सुनचाँदी व्यवसायी महासंघका अनुसार आज सुनको मूल्य प्रतितोला २ हजार ३ सय रुपैयाँले बढेर २ लाख ७४ हजार ३ सय रुपैयाँ पुगेको छ।

यसअघिका दुई दिनमा सुनको मूल्य साढे ११ हजार रुपैयाँ घटेको थियो। अघिल्लो दिन मात्र सुनको मूल्य प्रतितोला ८ हजार ३ सय रुपैयाँ घटेको थियो।

चाँदीको मूल्य पनि आज बढेको छ। आइतबार प्रतितोला ३ हजार ६५० रुपैयाँ रहेको चाँदी आज बढेर ३ हजार ७२० रुपैयाँ पुगेको महासंघले जनाएको छ।