कांग्रेसको आह्वानमा प्रतिपक्षी दलहरूको बैठक आज सिंहदरबारमा

प्रमुख प्रतिपक्षी दल नेपाली कांग्रेसले प्रतिपक्षी दलहरूको बैठक बोलाएको छ। कांग्रेस संसदीय दलका नेता भीष्मराज आङ्देम्बेको आह्वानमा बैठक आज दिउँसो १ बजे सिंहदरबारस्थित कांग्रेस संसदीय दलको कार्यालयमा बस्नेछ।

बैठकमा सरकारको स्वेच्छाचारिता, प्रेस स्वतन्त्रतामाथिको हस्तक्षेप र संविधानमाथिको प्रहारलगायत विषयमा छलफल गर्ने कांग्रेसले जनाएको छ। बैठकमा नेकपा एमालेसहितका प्रतिपक्षी दलहरूलाई बोलाइएको छ।

बैठकमार्फत सरकारको जवाफदेहिता खोजिने विषयमा पनि छलफल हुने बताइएको छ।