सिंहदरबारमा कांग्रेस संसदीय दलको बैठक, संसदमा प्रभावकारी उपस्थितिबारे छलफल

प्रमुख प्रतिपक्षी दल नेपाली कांग्रेसको संसदीय दलको बैठक सोमवार सुरु भएको छ। सिंहदरबारस्थित संसदीय दलको कार्यालयमा बैठक भइरहेको छ। बैठक बिहान साढे आठ बजेका लागि बोलाइएको थियो।

आगामी संसद बैठकमा पार्टीको उपस्थिति प्रभावकारी बनाउने विषय बैठकको मुख्य एजेन्डा हो। बैठकमा पछिल्लो राजनीतिक अवस्था, सरकारका गतिविधि र समसामयिक विषयमा पनि छलफल हुने बताइएको छ।

रातोपाटीका अनुसार बैठकमा समसामयिक राजनीतिक विषयका साथै पत्रकारमाथि राज्यको बढ्दो ज्यादती र कर्मचारीसँग जोडिएका विषयमा पनि छलफल भइरहेको छ।

कांग्रेसले यसै दिन प्रतिपक्षी दलहरूको छुट्टै बैठक पनि बोलाएको छ।