डोल्पामा हिमपातमा फसेका ६ भारतीय पर्यटकको हेलिकप्टरबाट सकुशल उद्धार

डोल्पाको दानिगढ क्षेत्रमा भारी हिमपातका कारण फसेका ६ जना भारतीय पर्यटकको सकुशल उद्धार गरिएको छ। सोमबार बिहान हेलिकप्टरमार्फत उनीहरूको उद्धार गरिएको हो।

डोल्पाका प्रमुख जिल्ला अधिकारी जुनु हमाल ढकालले ६ जना भारतीय पर्यटकको सकुशल उद्धार गरिएको जानकारी दिइन्। उद्धार गरिएका पर्यटकमध्ये दुई जना महिला र चार जना पुरुष छन्।

उद्धारको सुरुवाती चरणमा फसेका ६ जनामध्ये दुई जनालाई हेलिकप्टरबाट निकालिएको थियो। बाँकी चार जनाको उद्धार त्यसपछि गरिएको थियो। अब सबै पर्यटक सुरक्षित रहेको प्रशासनले जनाएको छ।

उपल्लो डोल्पामा भारी हिमपात भएपछि ती पर्यटक त्यहाँ फसेका थिए।