एक महिनाभित्र सबै पालिकाबाट जग्गा प्रशासन सेवा

प्रधानमन्त्री बालेन्द्र शाहले आगामी एक महिनाभित्र देशका सबै स्थानीय तहबाट भूमि प्रशासनसम्बन्धी सेवा सञ्चालन गर्ने तयारी भएको बताएका छन्। उनले सोमबार बिहान सामाजिक सञ्जाल फेसबुकमा लेख्दै यो जानकारी सार्वजनिक गरेका छन्। प्रधानमन्त्रीका अनुसार अब स्थानीय तहले जग्गा प्रशासनमा संविधान र कानुनले दिएको अधिकार पूर्ण रूपमा प्रयोग गर्न पाउनेछन्।

हालसम्म केही सीमित स्थानीय तहबाट मात्र यस्तो सेवा प्रवाह भइरहेको छ। नयाँ व्यवस्था पूर्ण रूपमा लागू भएपछि जग्गासम्बन्धी सेवाका लागि नागरिकले आफ्नै गाउँपालिका वा नगरपालिकामा पहुँच पाउनेछन्। सरकारले यो काम भूमि प्रशासनको अधिकार स्थानीय तहलाई हस्तान्तरण गर्ने योजनाअन्तर्गत अघि बढाएको छ।