पानामामा ७.७ म्याग्निच्युडको भूकम्प, सुनामीको चेतावनी

मध्य अमेरिकी मुलुक पानामामा शुक्रबार ७.७ म्याग्निच्युडको शक्तिशाली भूकम्प गएको छ। यसको कम्पन राजधानी पानामा सिटीसम्म स्पष्ट रूपमा महसुस भएको छ। प्रारम्भिक विवरणअनुसार विभिन्न ठाउँमा भवन, पुल र सडकजस्ता भौतिक संरचनामा क्षति पुगेको छ।

दर्जनौँ संरचना भत्किएका छन्। भूकम्पलगत्तै सुनामीको चेतावनी समेत जारी गरिएको छ। डराएका सयौँ नागरिक घर र कार्यालय छाडेर सडक तथा खुला ठाउँमा निस्किएका छन्।

शक्तिशाली मुख्य धक्कापछि अहिलेसम्म ४५ भन्दा बढी पराकम्प महसुस गरिएको छ। भूकम्पका कारण देशका विभिन्न स्थानमा सार्वजनिक सेवा प्रभावित बनेका छन्। क्षतिको पूर्ण विवरण अझै सार्वजनिक भइसकेको छैन।