ट्रम्पले रोके रुसमाथिका प्रतिबन्ध, युक्रेनको आपत्ति

अमेरिकी राष्ट्रपति डोनाल्ड ट्रम्पले रुसमाथि लगाइने भनिएका कैयौँ प्रतिबन्ध कार्यान्वयनमा आउनुअघि नै रोकेका छन्। युक्रेनी राष्ट्रपति भोलोडिमिर जेलेन्स्कीसँग उनको विवाद चुलिँदै गएका बेला यो निर्णय सार्वजनिक भएको छ। युक्रेन सरकारले वासिङ्टनको यस कदमप्रति स्पष्ट आपत्ति जनाएको छ।

अमेरिकी संसद्का दुवै प्रमुख दलका शीर्ष नेताहरूले पनि निर्णयको कडा भर्त्सना गरेका छन्। यही साता ट्रम्पले युक्रेनलाई अप्ठ्यारोमा पार्ने अरू कदम पनि चालेका छन्। अमेरिकाले सैन्य सहयोग र जासुसी सूचना दिन बन्द गरे युक्रेनी सेनाको अवस्था कस्तो होला भन्ने प्रश्न उठेको छ।

प्रतिबन्ध रोकिएपछि रुसलाई कति लाभ पुग्छ भन्ने बहस पनि सुरु भएको छ।