कोलम्बियाले जेरुसेलममा इजरायलका लागि दूतावास खोल्यो

कोलम्बियाले बुधबार जेरुसेलममा इजरायलका लागि आफ्नो दूतावास औपचारिक रूपमा खोलेको छ। यससँगै कोलम्बिया उक्त सहरमा दूतावास राखेर इजरायली सार्वभौमिकताको पक्ष लिने थोरै देशको पङ्क्तिमा उभिएको छ। उद्घाटन समारोहमा इजरायली विदेशमन्त्री गिदोन सारले यो दिन इजरायल र जेरुसेलम दुवैका लागि महत्त्वपूर्ण भएको बताउनुभएको छ।

उहाँले कोलम्बियाली दूतावासको आगन्तुक पुस्तिकामा हस्ताक्षर पनि गर्नुभएको छ। कोलम्बियाका नयाँ राष्ट्रपति एबेलार्डो डे ला एस्प्रिएलाले इजरायलको समर्थनमा नयाँ नीति अपनाउनुभएको छ। धेरैजसो देशले इजरायलका लागि दूतावास तेल अभिभमै राखेका छन्।

उनीहरू जेरुसेलमको अन्तिम हैसियत इजरायल–प्यालेस्टाइन विवादको समाधानमार्फत टुङ्गिनुपर्ने धारणा राख्छन्।