युक्रेनलाई प्याट्रियट मिसाइल उत्पादन गर्न अमेरिकाको अनुमति

युक्रेनी राष्ट्रपति भोलोदिमर जेलेन्स्कीका अनुसार अमेरिकी राष्ट्रपति डोनाल्ड ट्रम्पले युक्रेनलाई उन्नत प्याट्रियट हवाई प्रतिरक्षा मिसाइल उत्पादन गर्न स्वीकृति दिने अन्तिम निर्णय गर्नुभएको छ। पत्रकारलाई पठाएको आवाज सन्देशमा जेलेन्स्कीले पछिल्लो भेटमा ट्रम्पले यो निर्णय सुनाएको जानकारी दिनुभएको छ। यसपछि युक्रेनले आफ्नै भूमिमा यो मिसाइल बनाउन आवश्यक इजाजतपत्र पाउनेछ।

ट्रम्पले जुलाईमा यस्तो अनुमति दिनु उचित हुने बताए पनि पछि अमेरिकाले यसमा धेरै सावधानी अपनाउनुपर्ने धारणा राख्नुभएको थियो। रुसले प्रहार गर्ने ब्यालिस्टिक मिसाइल रोक्न प्याट्रियट प्रणाली प्रभावकारी मानिन्छ, तर किएभले यस्ता मिसाइलको अभाव झेलिरहेको छ। फेब्रुअरीमा अमेरिका र इजरायलको इरानसँग युद्ध भएपछि युक्रेनमा प्याट्रियट इन्टरसेप्टर मिसाइलको अभाव झन् बढेको छ।