सुनको भाउ तोलामा करिब २ हजार ९ सय रुपैयाँले घट्यो

हप्ताको पहिलो कारोबार दिन आज आइतबार नेपाली बजारमा सुनको मूल्य प्रतितोला करिब २ हजार ९ सय रुपैयाँले घटेको छ। नेपाल सुनचाँदी व्यवसायी महासंघका अनुसार छापावाल सुन आज प्रतितोला २ लाख ९१ हजार ९ सय रुपैयाँमा कारोबार भइरहेको छ। गत शुक्रबार यही सुन प्रतितोला २ लाख ९४ हजार ८ सय रुपैयाँमा किनबेच भएको थियो।

त्यसअघिको कारोबार दिन सुनको भाउ प्रतितोला करिब १ हजार ५ सय रुपैयाँले बढेको थियो। महासंघले चाँदीको मूल्य पनि प्रतितोला ६० रुपैयाँले सस्तिएर ४ हजार ३ सय ९० रुपैयाँ पुगेको जनाएको छ। शुक्रबार चाँदी प्रतितोला ४ हजार ४ सय ५० रुपैयाँमा कारोबार भएको थियो।

महासंघका अनुसार प्रति १० ग्राम छापावाल सुनको मूल्य करिब २ लाख ५० हजार रुपैयाँ कायम भएको छ। त्यस्तै, प्रति १० ग्राम चाँदीको मूल्य ३ हजार ७ सय ६४ रुपैयाँ तोकिएको छ। नेपालमा सुनचाँदीको दैनिक मूल्य अन्तर्राष्ट्रिय बजारको उतारचढावका आधारमा तोक्ने गरिएको छ।

अन्तर्राष्ट्रिय बजारमा भने आज सुन प्रतिऔंस करिब ४ हजार १ सय ४० अमेरिकी डलरमा कारोबार भइरहेको छ।