विद्युत् प्राधिकरणले वर्षायाममा भारतलाई ८६ मेगावाट बिजुली बेच्ने

नेपाल विद्युत प्राधिकरणले वर्षायाममा भारतलाई ८६ मेगावाट बिजुली बेच्ने भएको छ। देशभित्रका ग्राहकलाई आपूर्ति गरेपछि बढी हुने जगेडा बिजुली भारतको पावर एक्स्चेन्जमार्फत भारतीय बजारमा बेचिनेछ। प्राधिकरण सञ्चालक समितिका सदस्य अंशुकिरण शाहीका अनुसार यसका लागि भारतीय कम्पनी टाटा पावर ट्रेडिङ कम्पनी लिमिटेड माध्यम बन्नेछ।

सञ्चालक समितिको असार २५ को बैठकले खरिद–बिक्री सम्झौताको मस्यौदामा विद्युत नियमन आयोगको परामर्श लिएर फेरि पेस गर्ने निर्णय गरेको थियो। आयोगले भदौ २ गते बैठक बसेर सहमति दिने निर्णय गरेको थियो। प्राधिकरणले त्यसको जानकारी भदौ ८ गते पाएको थियो।

आयोगको सहमतिपछि कार्यकारी निर्देशक दिर्घायुकुमार श्रेष्ठले सन् २०२६ नोभेम्बर १ देखि मे ३१ सम्मको बिक्री अवधि प्रस्ताव गर्नुभएको थियो। असोज ३ गते प्राधिकरणले बिजुली बेच्ने निर्णय गर्दै सम्झौताको मस्यौदा स्वीकृत गरेको छ। ऊर्जामन्त्री श्रेष्ठले सम्झौतामा हस्ताक्षर गर्ने जिम्मा कार्यकारी निर्देशकलाई दिनुभएको छ।