दुई महिनामा १ लाख ३० हजारभन्दा बढी नेपाली वैदेशिक रोजगारीमा

चालु आर्थिक वर्ष २०८३/८४ का सुरुका दुई महिनामा १ लाख ३० हजार ४८३ नेपाली वैदेशिक रोजगारीका लागि विदेशिएका छन्। वैदेशिक रोजगार विभागका अनुसार साउन र भदौमा गरी यति संख्याले अन्तिम श्रम स्वीकृति लिएका हुन्। साउनमा ७० हजार ४४१ जनाले स्वीकृति लिएकोमा भदौमा यो संख्या घटेर ६० हजार ४२ मा झरेको छ।

भदौमा स्वीकृति लिनेमध्ये ५१ हजार ८४३ पुरुष र ८ हजार १९९ महिला रहेका छन्। सोही महिनामा सबैभन्दा धेरै संयुक्त अरब इमिरेट्स जाने श्रमिकको संख्या १८ हजार ४७७ पुगेको छ। जिल्लागत रूपमा मधेस र कोशी प्रदेशका जिल्लाबाट वैदेशिक रोजगारीमा जानेको संख्या अधिक देखिएको छ।