अमेरिकी शान्ति प्रस्तावको जवाफ केही दिनभित्र दिने इरानको भनाइ

इरानका विदेशमन्त्री अब्बास अराघचीले अमेरिकाले पठाएको शान्ति प्रस्तावको जवाफ आगामी केही दिनभित्र दिने बताउनुभएको छ। अमेरिकासँगको युद्ध अन्त्य गर्न वार्ता प्रक्रिया जारी रहेको उहाँको भनाइ छ। इरानको अर्धसरकारी समाचार संस्था तस्निम न्युज एजेन्सीले अराघचीको यो भनाइ सार्वजनिक गरेको छ।

उहाँका अनुसार दुवै पक्षबीच मध्यस्थकर्तामार्फत सन्देश आदानप्रदान भइरहेको छ। इरानले आफ्नो तर्फबाट 'सातदिने योजना' नाम दिइएको प्रस्ताव पेस गरिसकेको छ। इरानले अमेरिकी पक्षको धारणा पनि सुनिसकेको अराघचीले जानकारी दिनुभएको छ।

हाल तेहरानले उक्त अमेरिकी धारणाको समीक्षा गरिरहेको छ। विदेशमन्त्रीले जवाफ पठाउने निश्चित मिति भने तोक्नुभएको छैन।