रुसबाट युरेनियम ढिलो, बङ्गलादेशको परमाणु ऊर्जा केन्द्रमा बहस

बाङ्ग्लादेशको रूपपुर परमाणु ऊर्जा केन्द्रको दोस्रो युनिटका लागि रुसले पठाएको युरेनिअम तोकिएको समयमा ढाका आइपुग्न सकेको छैन। बाङ्ग्लादेशमा कतिपयले युरेनिअम बोकेको विमानलाई पाकिस्तानले आफ्नो हवाई क्षेत्र प्रयोग गर्न अनुमति नदिँदा ढिलाइ भएको आरोप लगाएका छन्। यो विषय त्यहाँका सामाजिक सञ्जालमा पनि बहस र आलोचनाको विषय बनेको छ।

पाकिस्तानी विदेश मन्त्रालयका प्रवक्ता सज्जाद हैदरले यो हवाई मार्ग र हवाई क्षेत्र प्रयोगको अनुमतिसँग जोडिएको प्रक्रिया भएको बताउनुभएको छ। यस्ता विषयमा उड्डयन निकायबीच समन्वय चाहिने र त्यसले उडान तालिका फेरिन सक्ने उहाँको भनाइ छ। बाङ्ग्लादेश र पाकिस्तानको सम्बन्धमा हालै सुधार आएका बेला इस्लामाबादले किन यस्तो निर्णय गर्‍यो भन्ने प्रश्न पनि उठिरहेको छ।