हुथी आक्रमणपछि यमनको ताइज सहर जाने सडक अवरुद्ध

यमनका हुथी विद्रोहीहरूले आइतबार ताइज सहरलाई एडेनसँग जोड्ने मुख्य आपूर्ति सडक अवरुद्ध गरेका छन्। एक स्थानीय प्रहरी स्रोतले समाचार एजेन्सी एएफपीलाई हुथीहरूले अल–सफिया क्षेत्र र त्यहाँको प्रहरी चौकी कब्जा गरेको जानकारी दिएको छ। यमनी सेनाका तीन स्रोतले पनि उक्त क्षेत्र र आपूर्ति मार्ग पूर्ण रूपमा हुथी नियन्त्रणमा पुगेको पुष्टि गरेका छन्।

सैन्य स्रोतहरूका अनुसार ताइजदेखि एडेनतर्फको आवतजावत बन्द छ र क्षेत्रमा लडाइँ जारी छ। यो आक्रमण ताइज वरपर केही दिनदेखि चलिरहेको भीषण लडाइँपछि भएको हो। ताइज अझै सरकारी सेनाको नियन्त्रणमा भए पनि हुथीहरूले लामो समयदेखि यसलाई उत्तर, पूर्व र पश्चिमबाट घेर्दै आएका छन्।

सेप्टेम्बरमा लडाइँ चर्किएपछि हुथीहरूले रेड सी तट कब्जा गरी साउदी अरबको ऊर्जा निर्यातसमेत अवरुद्ध पारेका छन्। यमन विश्वकै गरिब देशमध्ये एक हो र त्यहाँ गम्भीर मानवीय संकट छ। यमनको गृहयुद्ध सन् २०१४ मा हुथीहरूले राजधानी साना कब्जा गरेपछि सुरु भएको थियो।

साउदी अरबले सन् २०१५ मा अन्तर्राष्ट्रिय गठबन्धनको नेतृत्व गर्दै हस्तक्षेप गरेको थियो।