प्रेटोरियसले तोडे क्रिस गेलको टी–ट्वान्टी सर्वाधिक व्यक्तिगत स्कोरको कीर्तिमान

दक्षिण अफ्रिकाका २० वर्षीय ब्याटर लुआन–ड्रे प्रेटोरियसले पुरुष टी–ट्वान्टी क्रिकेटमा सर्वाधिक व्यक्तिगत स्कोरको नयाँ कीर्तिमान बनाएका छन्। सीएसए टी–ट्वान्टी च्यालेन्जमा टाइटन्सबाट खेल्दै उनले नाइट्सविरुद्ध ७९ बलमा अविजित १८८ रन बनाएका छन्। उनको इनिङ्समा १५ चौका र १३ छक्का समावेश छन्।

यसअघिको कीर्तिमान क्रिस गेलको नाममा थियो, जसले सन् २०१३ मा रोयल च्यालेन्जर्स बैंग्लोरबाट पुणे वारियर्सविरुद्ध अविजित १७५ रन बनाएका थिए। प्रेटोरियसले २४ बलमा अर्धशतक पुर्‍याएपछि थप १६ बलमै शतक पूरा गरेका छन्। सबैभन्दा कम बलमा १५० रन पुर्‍याउने सूचीमा उनी आरोन फिन्च र मार्कस स्टोइनिससँग बराबरीमा छन्।

टी–ट्वान्टीको पहिलो दोहोरो शतकबाट उनी १२ रनले मात्र पछि परेका छन्। उनको ब्याटिङको बलमा टाइटन्सले २० ओभरमा ३ विकेट गुमाएर २६७ रन बनाएको छ, जुन प्रतियोगिताको इतिहासमा दोस्रो ठूलो टोली योग हो।