दसैँ–तिहारमा भारतबाट फर्कनेको गड्डाचौकीमा भीड, स्वास्थ्य परीक्षण अनिवार्य

दसैँ–तिहार मनाउन भारतबाट घर फर्कने नेपालीको कञ्चनपुरको गड्डाचौकी नाकामा स्वास्थ्य परीक्षण भइरहेको छ। चाडपर्वका बेला नाकामा यात्रुको भीड बढेको छ।

चाडपर्वका बेला सीमा नाकामा यात्रुको चाप बढ्ने भएकाले विभिन्न सङ्क्रामक रोग रोक्न सरकारले नाकामा स्वास्थ्य परीक्षण गर्ने व्यवस्था मिलाएको हो। भारतबाट आउने यात्रुको स्वास्थ्य परीक्षण अनिवार्य गरिएको छ।

असोज महिनामा मात्रै गड्डाचौकी नाकामा ४ हजार ७०० जनाको स्वास्थ्य परीक्षण गरिएको छ।