भक्तपुरमा पुलुकिसी जात्रा सम्पन्न

भक्तपुरमा इन्द्रको वाहन ऐरावत हात्तीको प्रतीक पुलुकिसीलाई नगर घुमाएर परम्परागत पुलुकिसी जात्रा सम्पन्न भएको छ। जात्रा साँझ लाकुलाछेंबाट सुरु भएको हो, र हरेक वर्ष यही ठाउँबाट सुरु गर्ने परम्परा छ। पुलुकिसी बाँसको ढाँचामा हात्तीको आकृति भएको सेतो कपडा ओढाएर बनाइन्छ, र त्यसभित्र मानिस बसेर बोक्छन्। नगर परिक्रमाको बाटोभरि हजारौँ दर्शक जात्रा हेर्न जम्मा भएका छन्। पुलुकिसीलाई ओहोरदोहोर गराउँदा हेर्न रमाइलो लाग्ने स्थानीय जात्राप्रेमी कृष्ण प्रजापतिले बताउनुभएको छ।