इरानमाथि फेरि आक्रमण भए कल्पना नै गर्न नसकिने जवाफ दिन्छौँ: सभामुख गालिबाफ

इरानी संसद्का सभामुख तथा प्रमुख वार्ताकार मोहम्मद बाकर गालिबाफले इरानमाथि फेरि सैन्य आक्रमण भए कडा जवाफ दिने चेतावनी दिएका छन्।

इरानमाथि फेरि सैन्य आक्रमण हुन सक्ने आशंकाबारे अमेरिकी वरिष्ठ अधिकारीहरूले धम्की दिएका थिए। गालिबाफले त्यसैको प्रतिक्रियामा यस्तो चेतावनी दिएका हुन्।

उनले इरानमाथि हुने कुनै पनि आक्रमणको जवाफ कसैले कल्पना नै गर्न नसक्ने किसिमको हुने बताएका छन्।

गालिबाफ इरानी संसद्का सभामुख हुन्। उनी इरानका प्रमुख वार्ताकारको भूमिकामा पनि छन्। अमेरिका र इरानबीच तनाव कायम रहेका बेला उनको यो चेतावनी आएको हो।