कांग्रेस महाधिवेशनका लागि १५ समिति, निर्देशन समितिको संयोजक गगन थापा

नेपाली कांग्रेसले आफ्नो १५औँ महाधिवेशन सञ्चालनका लागि केन्द्रीय निर्देशन समितिसहित कुल १५ समिति बनाएको छ। शुक्रबार गठन गरिएको १३ सदस्यीय केन्द्रीय निर्देशन समितिको संयोजकमा सभापति गगनकुमार थापा रहनुभएको छ। समितिमा उपसभापतिद्वय विश्वप्रकाश शर्मा र पुष्पा भुसाल, महामन्त्रीद्वय प्रदीप पौडेल र गुरुराज घिमिरे, कोषाध्यक्ष उमेश श्रेष्ठ तथा ६ जना केन्द्रीय सदस्य छन्।

प्रमुख राजनीतिक सल्लाहकार प्रताप पौडेल सदस्य–सचिव तोकिनुभएको छ। आर्थिक व्यवस्थापन समितिको संयोजक कोषाध्यक्ष श्रेष्ठ र सूचना, सञ्चार तथा प्रविधि समितिको संयोजक प्रवक्ता देवराज चालिसे हुनुहुन्छ। सचिवालय व्यवस्थापन तथा सूचना समन्वय समितिको संयोजक उदयशमशेर राणा हुनुहुन्छ।

अतिथि सत्कार र समारोहस्थल व्यवस्थापनलगायतका कामका लागि पनि छुट्टाछुट्टै समिति बनेका छन्। केन्द्रीय कार्यसमितिको भदौ १ को बैठकले थापाकै संयोजकत्वमा महाधिवेशन मूल आयोजक समिति बनाएको थियो। नयाँ समितिहरूले समितिबीच समन्वय, सहजीकरण र व्यवस्थापनसम्बन्धी तत्काल निर्णयको जिम्मा पाएका छन्।