आणविक निःशस्त्रीकरणमा नयाँ प्रयासको लागि राष्ट्रसङ्घ महासचिवको आह्वान

संयुक्त राष्ट्रसंघका महासचिव एन्टोनियो गुटेरेसले आणविक हतियारविहीन विश्वतर्फ नयाँ बाटो खोज्न आह्वान गर्नुभएको छ। आणविक हतियारको पूर्ण उन्मूलनसम्बन्धी अन्तर्राष्ट्रिय दिवसको अवसरमा मंगलबार आयोजित उच्चस्तरीय बैठकमा उहाँले यस्तो आह्वान गर्नुभएको हो। उहाँले आणविक निःशस्त्रीकरण ऐच्छिक विषय नभई सन्धिले तोकेको कानुनी रूपमा बाध्यकारी दायित्व भएको बताउनुभएको छ।

आणविक हतियार भण्डारण गरेका राष्ट्रहरू यस्ता हतियारको प्रयोग रोक्न वार्तामा फर्कनुपर्ने उहाँको भनाइ छ। उहाँले अमेरिका र रुसलाई म्याद सकिएको नयाँ रणनीतिक हतियार कटौती सन्धिको उत्तराधिकारी ढाँचाबारे वार्ता गर्न आग्रह गर्नुभएको छ। सबै आणविक शक्ति राष्ट्रले आफ्नो सुरक्षा नीतिमा यस्ता हतियारको भूमिका घटाउनुपर्ने उहाँले बताउनुभएको छ।

अर्को हतियार होडबाजी रोक्न दशकौँदेखि चलिआएको विश्वव्यापी प्रक्रिया जोगाउनुपर्ने उहाँले उल्लेख गर्नुभएको छ। गुटेरेसका अनुसार आणविक खतरा नियन्त्रणका दशकौँ पुराना उपाय कमजोर बन्न थालेका छन् र प्राविधिक प्रगतिले जोखिम बढाएको छ।