लमजुङको जलविद्युत् आयोजनामा पासोमा परेको घाइते बाघ फेला

लमजुङको खुदीमा रहेको सिनो सगरमाथा हाइड्रोपावरको जालीमा एउटा बाघ घाइते अवस्थामा भेटिएको छ। खुदी मर्स्याङ्दी गाउँपालिका–८ मा पर्छ। बाघको बायाँ खुट्टा पासोमा अड्किएको छ। आइतबार दिउँसो २ बजे यसबारे जानकारी पाउनासाथ सुरक्षाकर्मी र वन कर्मचारीको टोली उद्धारमा खटिएको छ। मर्स्याङ्दी गाउँपालिका–६ स्थित सब–डिभिजन वन कार्यालयबाट वन अधिकृत राजबहादुर विकको नेतृत्वमा दुई वन रक्षकसहितको अर्को टोली पनि घटनास्थल पुगेको छ। पछिल्लो जानकारीअनुसार घाइते बाघको उद्धार कार्य जारी छ।