शिक्षा प्रणाली बदलिँदो विश्वअनुसार परिमार्जन गर्नुपर्छ: राष्ट्रपति पौडेल

राष्ट्रपति रामचन्द्र पौडेलले बदलिँदो विश्व परिवेशअनुरूप शिक्षा प्रणालीलाई परिमार्जन गर्नुपर्ने बताएका छन्। उनले विद्यार्थीलाई भविष्यका चुनौती सामना गर्न र अवसरको सदुपयोग गर्न सक्षम बनाउनुपर्नेमा जोड दिए।

शनिबार बोल्दै राष्ट्रपति पौडेलले आधुनिक प्रविधि र कृत्रिम बुद्धिमत्ता (एआई) को युगमा शिक्षा प्रणालीलाई अझ बढी व्यावहारिक र मानवीय मूल्यमा आधारित बनाउनुपर्ने बताए। शिक्षामा आधुनिक प्रविधि र मानवीय मूल्यबीच सन्तुलन अपरिहार्य रहेको उनको भनाइ थियो।

विज्ञान, प्रविधि र एआईको विकाससँगै बदलिँदो विश्वका चुनौती सामना गर्न र अवसर उपयोग गर्न सक्ने जनशक्ति उत्पादनमा शिक्षा प्रणाली केन्द्रित हुनुपर्ने पनि राष्ट्रपति पौडेलले बताए।

उनले भविष्यका चुनौती सामना गर्न सक्ने जनशक्ति उत्पादनलाई प्राथमिकता दिनुपर्ने धारणा राखेका हुन्।