उखु किसानको बैंक खातामा सिधै प्रोत्साहन अनुदान, सरकारद्वारा नयाँ कार्यविधि जारी

सरकारले उखु उत्पादक किसानलाई दिइने प्रोत्साहन अनुदान वितरणसम्बन्धी नयाँ कार्यविधि जारी गरेको छ। सरकारले ‘उखु उत्पादकलाई प्रोत्साहन अनुदान दिने सम्बन्धी कार्यविधि, २०८३’ जारी गरेको हो।

नयाँ कार्यविधिअनुसार उखु उत्पादक किसानलाई सरकारले उपलब्ध गराउने प्रोत्साहन अनुदान अब किसानको व्यक्तिगत बैंक खातामा सिधै भुक्तानी हुनेछ।

अनुदान वितरण प्रक्रियालाई व्यवस्थित र पारदर्शी बनाउन यो कार्यविधि जारी गरिएको सरकारले जनाएको छ।

चिनी उद्योगहरूलाई आवश्यक पर्ने कच्चा पदार्थको नियमित आपूर्ति सुनिश्चित गर्ने सन्दर्भमा यो कार्यविधि ल्याइएको हो। उखु चिनी उद्योगको मुख्य कच्चा पदार्थ हो।