आजको विनिमय दर: अमेरिकी डलर १५३ रुपैयाँ ७० पैसा, पेट्रोल–डिजेल प्रतिलिटर २०० रुपैयाँ

नेपाल राष्ट्र बैंकले आज आइतबारका लागि जारी गरेको विदेशी विनिमय दरअनुसार एक अमेरिकी डलरको बिक्री दर १५३ रुपैयाँ ७० पैसा कायम भएको छ। खरिद दर भने १५३ रुपैयाँ १० पैसा रहेको छ। भारतीय एक सय रुपैयाँको खरिद दर १६० रुपैयाँ र बिक्री दर १६० रुपैयाँ १५ पैसा तोकिएको छ।

युरोपेली युरोको बिक्री दर १७६ रुपैयाँ ५२ पैसा र बेलायती पाउन्डको बिक्री दर २०५ रुपैयाँ ५० पैसा छ। खाडी मुलुकमध्ये साउदी रियालको बिक्री दर ४० रुपैयाँ ९२ पैसा, कतारी रियालको ४२ रुपैयाँ १६ पैसा र युएई दिरहमको ४१ रुपैयाँ ८५ पैसा रहेको छ। जापानी १० येनको बिक्री दर ९ रुपैयाँ ७३ पैसा, दक्षिण कोरियाली एक सय वोनको ११ रुपैयाँ ९ पैसा र मलेसियाली रिङ्गिटको ३७ रुपैयाँ ६७ पैसा कायम छ।

यता नेपाल आयल निगमका अनुसार काठमाडौँ, पोखरा र दिपायल डिपोमा पेट्रोल, डिजेल र मट्टीतेल प्रतिलिटर २०० रुपैयाँ पर्दै आएको छ। सुर्खेत र दाङ डिपोमा भने यी तीनै इन्धनको मूल्य प्रतिलिटर १९९ रुपैयाँ छ। यी दुवै क्षेत्रमा खाना पकाउने ग्यासको एक सिलिन्डरको मूल्य २ हजार ६० रुपैयाँ कायम रहेको निगमले जनाएको छ।