सोह्र श्राद्ध भोलि असोज ११ देखि सुरु

पितृपक्ष अर्थात् सोह्र श्राद्ध आइतबार असोज ११ गते प्रतिपदा श्राद्धबाट सुरु हुँदैछ। प्रकाशित तिथि विवरणअनुसार यो पर्व असोज २४ गते शनिबार सम्पन्न हुनेछ। आश्विन अर्थात् असोज महिनाको कृष्ण पक्षलाई पितृपक्ष भनिन्छ र शास्त्रमा यसलाई पार्वण वा महालय श्राद्ध भनिएको छ।

परम्पराअनुसार आफ्ना पितामध्ये बुबाको तिथिलाई आधार मानेर श्राद्ध गरिन्छ। पिण्ड भने बुबातर्फका र आमातर्फका तीन–तीन कुलका पितृलाई दिइन्छ, कतिपय परिवारले सबै पितृलाई पिण्ड दिने चलन पनि छ। तालिकाअनुसार द्वितीया श्राद्ध असोज १२ गते सोमबार, तृतीया १३ गते मङ्गलबार र चतुर्थी १४ गते बुधबार पर्छ।

यस वर्ष पञ्चमी र षष्ठी श्राद्ध एकै दिन असोज १५ गते बिहीबार परेका छन्। सप्तमी श्राद्ध १६ गते शुक्रबार र अष्टमी श्राद्ध १७ गते शनिबार गरिनेछ। असोज १८ गते आइतबार नवमी श्राद्ध पर्छ, जसलाई मातृनवमी पनि भनिन्छ।

दशमी श्राद्ध १९ गते सोमबार र एकादशी श्राद्ध २० गते मङ्गलबार तोकिएको छ। असोज २१ गते बुधबार द्वादशी श्राद्धकै दिन मघा श्राद्ध पनि परेको छ। त्रयोदशी श्राद्ध २२ गते बिहीबार र चतुर्दशी श्राद्ध २३ गते शुक्रबार गरिनेछ।