सरकारले दलित समुदायका १४०१ थर राजपत्रमा प्रकाशित गर्‍यो

सरकारले दलित समुदायको आधिकारिक परिभाषा तय गर्दै उनीहरूले प्रयोग गर्ने थरको विस्तृत सूची नेपाल राजपत्रमा प्रकाशित गरेको छ। नेपाल प्रेसका अनुसार सूचीमा करिब १ हजार ४ सय थर समेटिएका छन्। राष्ट्रिय दलित आयोगले सिफारिस गरेको यो विवरण मन्त्रिपरिषद्को बैठकले स्वीकृत गरेको थियो।

स्वीकृत विवरण महिला, बालबालिका, लैङ्गिक तथा यौनिक अल्पसङ्ख्यक र सामाजिक सुरक्षा मन्त्रालयले राजपत्रमा निकालेको हो। परिभाषाअनुसार विगतमा वर्णाश्रम व्यवस्थाका आधारमा अछुत व्यवहार भोगेका समुदायलाई दलित मानिएको छ। परिभाषामा आर्थिक, राजनीतिक, सामाजिक–सांस्कृतिक, शैक्षिक र रोजगारीलगायत राज्यका क्षेत्रहरूको पनि उल्लेख छ।