कांग्रेस देउवा पक्षले ७७ जिल्लामा संयोजक तोक्यो, बिहीबारदेखि छुट्टै वडा अधिवेशन

नेपाली कांग्रेसका पूर्वसभापति शेरबहादुर देउवा पक्षले १५औँ महाधिवेशनको तयारी छुट्टै थालेको छ। यसका लागि उसले ७७ वटै जिल्लामा सभापति तथा संयोजक तोकेको छ। सर्लाहीको संयोजकमा हरेशप्रसाद महतोलाई तोकिएको छ।

संस्थापन पक्षले केन्द्रीय महाधिवेशनका लागि प्रतिनिधि छान्ने काम तीव्र बनाएको छ। यसैबीच देउवा पक्षले बिहीबार (असोज १५) देखि आफ्नै महाधिवेशन प्रक्रिया सुरु गर्न लागेको हो। सभापति गगन थापा गत पुस अन्तिममा भएको विशेष महाधिवेशनबाट सभापति बनेका थिए।

पूर्वमहामन्त्री डा. शशांक कोइराला यस पक्षको १५औँ महाधिवेशन आयोजक समितिका संयोजक हुन्। उनले वडा अधिवेशनलाई पार्टीको सङ्गठन र लोकतान्त्रिक अभ्यासका लागि महत्त्वपूर्ण चरण भनेका छन्। उनले व्यक्तिगत आग्रह–पूर्वाग्रहभन्दा माथि उठेर अधिवेशन सफल बनाउन र एकजुट भएर अघि बढ्न आग्रह गरेका छन्।

कोइरालाले पार्टी औपचारिक रूपमै फुट्ने जोखिम उच्च रहेको बताएका छन्। तर पार्टी एकता नै आफ्नो बटमलाइन भएको उनको भनाइ छ। सभापति थापाले आफूलाई फकाउने प्रयास गरे पनि आफू साथीहरूलाई छोडेर नजाने उनले बताएका छन्।